ថ្មីៗនេះ មានរូបរាង iPad 3 ក្លែងក្លាយ ដ៏អស្ចារ្យមួយបានបង្ហាញខ្លួន នៅលើគេហទំព័រYoutube។ បើមើលតាមលក្ខណៈពិសេសមួយចំនួននៅក្នុង iPad នេះប្រហែលជាមិនមាននៅក្នុង iPad 3 ទេ គឺអាចដល់ iPad 10 ទើបមាន។នេះដោយយោងតាមគេហទំព័រ BGR ដែលបានចុះផ្សាយកាលពីថ្ងៃសៅរ៍កន្លងទៅ។
លក្ខណៈដែលមិនគួរឲ្យជឿមានដូចជា សមត្ថភាពប្រើ NFC ដោយតគ្នាដូចច្រវ៉ាក់ រវាង iPad មួយទៅ iPad មួយទៀត សមត្ថភាពបង្ហាញរូបភាព 3D និង ផ្ទាំងប្រើប្រាស់ដ៏អស្ចារ្យ។ ទោះជាយ៉ាងណាក៏មានលក្ខណៈពិសេសខ្លះអាចនឹងមាននៅក្នុង iPad 3 ដែរ ដែលមានដូចជា កម្រាស់ក្រាស់ជាង iPad 2 ១ ម.ម អេក្រង់ Retina ទំហំ ៩,៧ អ៊ីញ Resolution 2048×1536 pixel, Processor quad-core A6, និង4G LTE។
គួរបញ្ជាក់ផងដែរថា ក្រុមហ៊ុន Apple ត្រូវបានរំពឹងថានឹងបង្ហាញ iPad 3 នៅថ្ងៃទី ៧ ខែមិនានេះ ដូច្នេះរូបរាងពិតរបស់ iPad 3 យ៉ាងណានោះនឹងអាចដឹងហើយ។
ឥឡូវប្រិយមិត្តសាកមើលវីដេអូឃ្លីបខាងនេះបន្តិចមើល ហើយជួយប្រាប់ផងថា iPad 3 អាចមានលក្ខណៈអស្ចារ្យដល់ថ្នាក់នេះទេ!
